తాటిచెట్టు పైనుంచి పడి గీత కార్మికుడు మృతి

దిశ, చిగురుమామిడి : ప్రమాదవశాత్తు తాటి చెట్టుపై నుండి గీత కార్మికుడు జారిపడి మృతి చెందిన సంఘటన చిగురుమామిడి మండలం సుందరగిరి గ్రామంలో చోటు చేసుకుంది. సుందరగిరి గ్రామానికి చెందిన కక్కెర్ల కిష్ణస్వామి (60)అనే గీత కార్మికుడు ప్రతిరోజులాగే ఆదివారం కూడా కల్లు గీయడానికి వెళ్లాడు. చీకటి పడ్డాక కూడా కిష్టస్వామి ఇంటికి రాకపోవడంతో కుటుంబ సభ్యులు, బంధువులు వెళ్లి తాటివనంలో వెతకగా ఓతాటి చెట్టు కింద విగత జీవిలా పడి ఉండడం చూసి పోలీసులకు సమాచారం అందించారు. కాగా మృతునికి భార్య, ముగ్గురు కొడుకులు ఉన్నారు.