దిశ, వెబ్‌డెస్క్: రైల్వే గూడౌన్‌లో భారీ అగ్ని ప్రమాదం చోటుచేసుకుంది. ఈ మంటల్లో రూ. లక్షలు విలువచేసే సరుకు కాలి బూడిదైంది. ఈ ఘటన ఉత్తర్‌ప్రదేశ్‌ మథురలోని రైల్వే గూడౌన్స్‌లో చోటుచేసేకుంది. దీనిపై మథుర రైల్వే చీఫ్ ఫైర్ అధికారి ప్రమోద్ శర్మ స్పందించారు. గూడైన్‌లో చెలరేగిన మంటలను ఆర్పేందుకు 4 అగ్నిమాపక యంత్రాలతో సిబ్బంది దాదాపు 9 గంటల పాటు శ్రమించారని ఆయన తెలిపారు. దాదాపు లక్షల నష్టం జరిగిందని, ఇంకా పూర్తి నష్టం లెక్క కట్టాల్సి ఉందని ఆయన తెలిపారు. అసలు మంటలు చెలరేగడానికి అసలు కారణం తెలుసుకునేందుకు విచారణ కమిటీని ఏర్పాటు చేసినట్లు ఆయన పేర్కొన్నారు.