ఘోర రోడ్డు ప్రమాదం.. ఒకరు మృతి..

దిశ, గూడూరు: కార్ బైక్ ను ఢీకొన్న ఘటనలో ఒక వ్యక్తి మృతి చెందగా మరో వ్యక్తికి తీవ్ర గాయాలయ్యాయి. ఈ సంఘటన మహబూబాబాద్ జిల్లా గూడూరు మండల కేంద్రంలో సబ్ స్టేషన్ వద్ద చోటు చేసుకుంది సంజయ్, బన్నీ ఇద్దరు స్నేహితులు గూడూరు లో ఒక ప్రైవేట్ షాప్ లో పని చేస్తున్నారు పని ముగించుకుని గురువారం రాత్రి బైక్ పై ఇంటికి వెళ్తున్న క్రమంలో మహబూబాబాద్ నుండి గూడూరు వైపు వస్తున్న బోలేరో వాహనం బైక్ ను బలంగా ఢీకొట్టింది. దీంతో ఇద్దరికి తీవ్ర గాయాలు కాగా నర్సంపేటకు తరలిస్తుండగా గుర్రం సంజయ్ (18) మార్గమధ్యలో మృతి చెందాడు.బన్నీ పరిస్థితి విషమంగా ఉండడంతో ఆస్పత్రికి తరలించి చికిత్స అందిస్తున్నారు. గ్రామస్తులు పోలీసులకు ఫిర్యాదు చేయడంతో పోలీసులు విచారణ చేపడుతున్నారు.