Crime : వృద్ధురాలిపై అత్యాచారం.. ఆలస్యంగా వెలుగులోకి

దిశ, తలకొండపల్లి : రంగారెడ్డి జిల్లాలోని తలకొండపల్లి మండల కేంద్రంలో ఈనెల 24న రాత్రి అదే గ్రామానికి చెందిన పెరమండ్ల రమేష్(40) అనే వ్యక్తి వృద్ధురాలి పై అత్యాచారానికి పాల్పడ్డాడు. ఈ సంఘటన ఆలస్యంగా వెలుగులోకి వచ్చింది. తలకొండపల్లి ఎస్సై శ్రీకాంత్ కథ మేరకు వివరాలు ఇలా ఉన్నాయి. మండల కేంద్రంలోని నివాసం ఉండే ఓ వృద్ధురాలికి ముగ్గురు సంతానం. గత కొన్ని సంవత్సరాల క్రితం భర్త మృతి చెందాడు. 60 సంవత్సరాల వయసు కలిగిన వృద్ధురాలు ఒకతే ఇంట్లో నివసిస్తుంది.

వృద్ధురాలి ఇంటి పక్కనే ఉండే పెరుమండ్ల రమేష్ (40) అనే వ్యక్తికి భార్య ఇద్దరు పిల్లలు ఉన్నట్లు ఎస్సై తెలిపారు. ఇంట్లో ఒకతే ఉంటున్న విషయాన్ని పసిగట్టిన రమేష్ రాత్రి సమయంలో వృద్ధురాలిపై అత్యాచారానికి పాల్పడ్డాడు.ఆ తర్వాత వృద్ధురాలు అనారోగ్యానికి గురి కావడంతో, తన కోడళ్లు వృద్ధురాలిని ప్రశ్నించగా అసలు విషయం బయటకు వచ్చింది. మంగళవారం వృద్ధురాలు తలకొండపల్లి పోలీస్ స్టేషన్ లో ఫిర్యాదు చేయడంతో పోలీసులు కేసు నమోదు చేసి దర్యాప్తు చేపట్టినట్లు ఎస్సై శ్రీకాంత్ పేర్కొన్నారు.