స్కూల్‌ టాయిలెట్‌లో బిడ్డకు జన్మనిచ్చిన విద్యార్థిని.. చెత్తకుండీలో పడేసి తిరిగి క్లాస్‌కు..

దిశ, వెబ్‌డెస్క్: సమాజంలో జరిగే కొన్ని ఘటనలు చూస్తే ఎవరైనా నోరెళ్లబెట్టాల్సిందే. అలాంటి ఘటనే ఒకటి తాజాగా తమిళనాడులో చోటు చేసుకుంది. 11 తరగతి చదువుతున్న విద్యార్థిని స్కూల్ టాయిలెట్‌లో బిడ్డకు జన్మనిచ్చింది. అనంతరం బిడ్డను టాయిలెట్‌కు దగ్గర్లోని ఓ చెత్తకుండీలో పడేసి తిరిగి క్లాస్‌కు వెళ్లిపోయింది. ఆ బిడ్డను గుర్తించిన పాఠశాల అధికారులు భువనగిరి పోలీసులకు సమాచారమిచ్చారు. స్కూల్ అధికారుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు ప్రారంభించారు. వారి దర్యాప్తులో ఇందుకు పాల్పడిన విద్యార్థిని కనుగొన్నారు. ఆ విద్యార్థిని కూడా తానే బిడ్డకు తల్లినని ఒప్పుకుంది. అయితే తనకు కడుపు నెప్పిగా ఉందని టాయిలెట్‌కు వెళ్లానని, అక్కడే బిడ్డకు జన్మనిచ్చానని తెలిపిందని పోలీసులు వెల్లడించారు.

అంతేకుండా బిడ్డ చనిపోయిందని ఆ విద్యార్థిని చెప్పగా, తాను ఎవరి సహాయం లేకుండా జన్మనిచ్చిన కారణంగా బిడ్డ మరణించి ఉంటుందని పోలీసుల తెలిపారు. దాంతో పాటుగా విద్యార్థిని బిడ్డకు ఉండే బొడ్డు తాడును ఓ పెన్నుతో కత్తిరించిందని, ఆ తర్వాత తిరిగి క్లాస్‌కు వచ్చేసిందని చెప్పుకొచ్చారు. అయితే తాను గర్బవతినని బంధువులకు, కుటుంబీకులకు ఎవరికీ చెప్పలేదని విద్యార్థిని చెప్పుకొచ్చింది. దీంతో విద్యార్థినిని గర్భవతిని చేసిన వ్యక్తి ఎవరో తెలుసుకునేందుకు పోలీసులు ఆమె బంధులు, స్థానికులను విచారిస్తున్నారు.

17 ఏళ్ల బాలిక పై సందీప్ లామిచానే అత్యాచారం..?