అదృశ్యమైన వ్యక్తి మృతదేహం లభ్యం

దిశ, భైంసా : భైంసా మండలం సిద్దూరు గ్రామానికి చెందిన బి.రాజు(35) మంగళవారం ఉదయం ఇంటి నుండి బయలుదేరి తిరిగిరాలేదు. బుధవారం బాసర గోదారిలో విగతజీవిగా కనిపించాడు. బాసర గోదావరి నది వంతెనపై మృతుని బైక్, పర్సు, చెప్పులు వదిలిన ఆనవాళ్లు కనిపించగా తీరా నేడు గోదారిలో మృతదేహం లభించింది. మత్స్యకారుల సహాయంతో బాసర పోలీసులు శవాన్ని ఒడ్డుకు తీసుకువచ్చి పోస్టుమార్టం నిమిత్తం మృతదేహాన్ని భైంసా ఏరియా ఆస్పత్రికి తరలించి, కుటుంబీకులకు సమాచారం అందించారు. మృతునికి భార్య, ఇద్దరు కుమారులు ఉన్నారు.