బైక్, ఆర్టీసీ బస్సు ఢీ.. మహిళ మృతి..

దిశ, మేడ్చల్ టౌన్ : బైక్ ను ఆర్టీసీ బస్సు ఢీకొన్న ఘటనలో మహిళ మృతి చెందిన సంఘటన మేడ్చల్ పోలీస్ స్టేషన్ పరిధిలో చోటుచేసుకుంది. స్థానికుల వివరాల ప్రకారం సంగారెడ్డి జిల్లా గుమ్మడిదల మండల వీరారెడ్డిపల్లి గ్రామానికి చెందిన తీగల సైలు (56), తన భార్య లక్ష్మి(51) తో కలిసి మేడ్చల్ మండలం రావల్ కోల్ గ్రామం నుండి వీరారెడ్డి పల్లికి వెళ్తున్న క్రమంలో రేకులు బావి వద్ద వారు ప్రయాణిస్తున్న బైకును ఆర్టీసీ బస్సు ఢీ కొట్టింది. దీంతో భార్యాభర్తలు గాయాలయ్యాయి. భార్య లక్ష్మి చికిత్స పొందుతూ మృతి చెందింది. కుటుంబ సభ్యులు ఇచ్చిన ఫిర్యాదు మేరకు మేడ్చల్ పోలీసులు కేసు నమోదు చేసి దర్యాప్తు చేపట్టారు.