కృష్ణా నదిలోకి దూసుకెళ్లిన ఆర్టీసీ బస్సు.. తప్పిన గండం

దిశ, వెబ్ డెస్క్: కృష్ణా జిల్లా తోట్లవల్లూరు మండలంలో ఆర్టీసీ ప్రయాణికుల(RTC passengers)కు ఘోర ప్రమాదం తప్పింది. విజయవాడ(Vijayawada)-అవనిగడ్డ(Vijayawada) కరకట్టపై నుంచి కృష్ణా నదిలోకి సూపర్‌ లగ్జరీ బస్సు దూసుకెళ్లింది. రోడ్డుపై నుంచి 15 అడుగుల కిందకు వెళ్లింది రోడ్డు ఎత్తుపల్లాలు ఉండటంతో బస్సు అదుపుతప్పింది. అయితే ప్రయాణికులంతా సురక్షితంగా ప్రమాదం నుంచి బయటపడ్డారు. ఈ సమయంలో బస్సులో 35 మంది ప్రయాణికులున్నారు. అయితే వారంతా సురక్షితంగా బయటకు దిగారు. దీంతో అంతా ఊపిరి పీల్చుకున్నారు. బస్సు అవనిగడ్డ నుంచి విజయవాడ వెళ్తుండగా ఈ ఘటన జరిగింది. విషయం తెలుసుకున్న పోలీసులు ఘటనా స్థలాన్ని పరిశీలించారు. బస్సును రోడ్డుపైకి తీసుకొచ్చారు. ఘటనపై కేసు నమోదు చేసి దర్యాప్తు చేస్తున్నారు.