పోలవరం పట్టిసీమ కాలువలో ఇద్దరు యువకుల గల్లంతు

దిశ, వెబ్ డెస్క్: పోలవరం పట్టిసీమ కాలువలో ఇద్దరు యువకులు గల్లంతయ్యారు. విజయవాడ సింగ్ నగర్ ప్రాంతానికి చెందిన ఆరుగురు యువకులు... కొత్తూరు తాడేపల్లి సమీపంలోని పోలవరం పట్టిసీమ కాలువ వద్దకు వెళ్లారు. ఆ తర్వాత స్నానం చేసేందుకు కాలువలోకి దిగారు. అనంతరం ఆరుగురు వ్యక్తులు కాలువలో గల్లంతయ్యారు. అయితే నలుగురు వ్యక్తులు ఈదుకుంటూ సురక్షితంగా ఒడ్డుకు చేరుకున్నారు. ఇద్దరు యువకులు మాత్రం కాలువలో గల్లంతయ్యారు. అందరూ చూస్తుండగానే కాలువలో కొట్టుకుపోయారు. ఇద్దరు యువకులు తేజ, మున్వర్‌గా గుర్తించారు. ప్రస్తుతం యువకుల కోసం గాలింపు చర్యలు కొనసాగుతున్నాయి.