అయ్యప్ప భక్తుల కారుకు ప్రమాదం.. ఇద్దరు తెలంగాణ స్వాములు మృతి

దిశ, వెబ్‌డెస్క్: బుధవారం తెల్లవారుజామున ఘోర రోడ్డుప్రమాదం(Serious road accident) తమిళనాడు రాష్ట్రంలోని తేని జిల్లాలో చోటు చేసుకుంది. మాల విరమణ కి వెళ్తున్న అయ్యప్ప భక్తుల కారు(A Ayyappa devotees car) మినీ లారీని ఢీకొట్టింది. ఈ ప్రమాదంలో కారులో ఉన్న ఇద్దరు అయ్యప్ప భక్తులు అక్కడికక్కడే మృతి చెందగా.. మరో ఇద్దరు స్వాములకు తీవ్ర గాయాలయ్యాయి. కాగా వారిని చికిత్స నిమిత్తం స్థానిక ఆస్పత్రికి తరలించగా.. పరిస్థితి విషమంగా ఉన్నట్లు డాక్టర్లు తెలిపారు. ఈ ప్రమాదంపై కేసు నమోదు చేసుకున్న పోలీసులు.. మృతులు తెలంగాణ(Telangana) ప్రాంతానికి చెందిన వారిగా గుర్తించారు. కాగా వారికి సంబంధించిన పూర్తి వివరాలు తెలియరాలేదు అని పోలీసులు తెలిపారు.