సబ్ రిజిస్ట్రార్ జ్యోతి అరెస్ట్​

దిశ, పేట్ బషీరాబాద్ : నకిలీ పత్రాలతో రిజిస్ట్రేషన్ చేసిన సబ్ రిజిస్ట్రార్ జ్యోతి (Sub-Registrar Jyoti arrested)ని జీడిమెట్ల పోలీసులు అరెస్ట్ చేశారు. సుభాష్ నగర్ లో ని ఓ స్థలాన్ని కాజేసేందుకు అప్పటి బీఆర్ఎస్ నాయకురాలు పద్మజా రెడ్డి (Padmaja Reddy)నకిలీ పత్రాలను సృష్టించింది. వీటిని అప్పుడు సబ్ రిజిస్ట్రార్ గా పనిచేస్తున్న జ్యోతి సహకారంతో రిజిస్ట్రేషన్ చేయించుకున్నారు.

    ఈ విషయంపై బాధితుల ఫిర్యాదు మేరకు జీడిమెట్ల పోలీసులు (Jeedimetla Police)కేసు నమోదు చేసుకొని దర్యాప్తు చేశారు. ఈ క్రమంలో ప్రధాన నిందితురాలైన పద్మజారెడ్డిని, నకిలీ పత్రాలను సృష్టించిన ముఠాను ఇటీవలనే పోలీసులు అరెస్ట్ చేసి రిమాండ్ కు తరలించారు. ఇదే కేసు విషయమై నిందితులకు సహకరించిన సబ్ రిజిస్ట్రార్ జ్యోతిని కూడా జీడిమెట్ల పోలీసులు అరెస్టు చేసి మేడ్చల్ కోర్టులో ప్రవేశపెట్టారు.