రోడ్డు ప్రమాదంలో ఒకరు మృతి.. మరొకరి పరిస్థితి విషమం..

దిశ, కొడకండ్ల : ఆగి ఉన్న లారీని ద్విచక్రవాహనం ఢీకొని ఒకరు మృతి చెందిన ఘటన గురువారం మండలంలో చోటుచేసుకుంది. ఏఎస్సై కత్తి రమేష్ కథనం ప్రకారం కొడకండ్ల మండలంలోని సూర్యాపేట జనగామ ప్రధాన రహదారి గిర్ని తండ గ్రామపరిధిలోని దుర్గమ్మ గుడి సమీపంలో ఆగి ఉన్న లారిని ద్విచక్రవాహనం ఢీ కొంది. ఈ ప్రమాదంలో వనమాల వెంకటేశ్వర్లు (45) అక్కడికక్కడే మృతి చెందగా, ధనలక్ష్మి (40) పరిస్థితి విషమంగా ఉండడంతో జనగామ ప్రధాన ఆసుపత్రికి తరలించినట్టు తెలిపారు. మృతుని అల్లుడు పాలెపు సతీష్ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని ఏఎస్సై రమేష్ తెలిపారు.