భార్యకు నిప్పంటించిన భర్త అరెస్టు.. రిమాండ్‌కు తరలింపు

దిశ, బడంగ్​పేట్: మద్యానికి బానిసై పనికి వెళ్లకపోవడంతో నిలదీసిన భార్యకు నిప్పంటించిన భర్తను పహాడీషరీఫ్ పోలీసులు అదుపులోకి తీసుకుని బుధవారం రిమాండ్​కు తరలించారు. పహాడీ షరీఫ్ మహమ్మదీయ కాలనీకి చెందిన షేక్​ వసీం (32)కి రుబీనా ఖురేషి (29 )తో 2011లో వివాహం జరిగింది. వీరికి ఇద్దరు కుమారులు సంతానం. స్థానికంగా పంచర్​ షాప్ నిర్వహిస్తూ కుటుంబాన్ని పోషించేవాడు. గత కొన్ని రోజులుగా మద్యానికి బానిసైన షేక్​వసీం పంచర్​ దుకాణానికి వెళ్లడం మానేశాడు.

ఈ విషయంలో తరచు భార్య భర్తల మధ్య వివాదం తలెత్తింది. ఈ నెల12వ తేదీన భార్య భర్తల మధ్య మరోసారి వివాదం తలెత్తింది. కోపోద్రిక్తుడైన భర్త రుబీనా ఖురేషి‌ భార్యకు నిప్పుపెట్టి అక్కడి నుంచి పరారయ్యాడు. 70 శాతం కాలిన గాయాలతో ఆస్పత్రిలో చికిత్స పొందున్న రుబీనా ఖురేషి తన భర్తే తనకు నిప్పుపెట్టాడని ఇచ్చిన స్టేట్ మెంట్​ఆధారంగా పహాడీషరీఫ్‌‌పై ​ పోలీసులు కేసును నమోదు చేసి అదుపులోకి తీసుకున్నారు. అప్పటి నుంచి తప్పించుకు తిరుగుతున్న షరీఫ్ బుధవారం రిమాండ్‌కు తరలించారు.