గుర్తు తెలియని మహిళ దారుణ హత్య

దిశ ప్రతినిధి, నిజామాబాద్ : కామారెడ్డి జిల్లా బాన్సువాడ పట్టణంలోని కల్కి చెరువు వద్ద గుర్తు తెలియని ఓ మహిళ దారుణ హత్యకు గురైంది. మంగళవారం మహిళ మృతదేహాన్ని చూసిన స్థానికులు పోలీసులకు సమాచారం అందించారు. దీంతో పోలీసులు ఘటనాస్థలికి వచ్చి పరిశీలించారు. మహిళ ప్రతిఘటించకుండా ఆమె రెండు చేతులు కట్టేసి ఆమెపై దాడి చేసినట్లు తెలుస్తోంది. మృతదేహం ముఖంపై కనిపిస్తున్న గాయాలను బట్టి చూస్తే గుర్తు తెలియని దుండగులు ఆమె పై కత్తితో దాడి చేసినట్లు తెలుస్తోంది. మహిళ హత్యకు ఎవరితోనైనా వ్యక్తిగత కక్షలు ఉన్నాయా? మరింకేమైనా కారణాలు ఉన్నాయని పోలీసులు అనుమానాలు వ్యక్తం చేస్తున్నారు. బాన్సువాడ సీఐ అశోక్ ఘటన స్థలానికి చేరుకొని వివరాలు సేకరించారు. మహిళ ఎవరనేదానిపై కూడా విచారణ కొనసాగుతోందని పోలీసులు తెలిపారు.