రైలు కిందపడి గుర్తు తెలియని వ్యక్తి మృతి

దిశ ప్రతినిధి, నిజామాబాద్ : నిజామాబాద్ నగర శివారులోని అర్సపల్లి గేటు వద్ద శనివారం ఉదయం జరిగిన ప్రమాదంలో ఓ గుర్తు తెలియని వ్యక్తి రైలు కింద పడి మృతి చెందారు. స్టేషన్ మేనేజర్ రమేశ్ ఇచ్చిన సమాచారం ప్రకారం.. అర్సపల్లి రైల్వే గేటు వద్ద కిమీ నెం. 457/3-4 దగ్గర ఒక గుర్తు తెలియని వ్యక్తి రైలు కింద పడి చని పోయినట్లు తెలిపారు. సంఘటన స్థలానికి వెళ్లి పరిశీలించగా, మృతి చెందిన వ్యక్తి హిందూ అని, వయసు 40 - 45 మధ్యన ఉంటుందన్నారు. కేసు నమోదు చేసుకుని డెడ్ బాడీని నిజామాబాద్ ప్రభుత్వ ఆసుపత్రి మార్చురీకి తరలించామని ఎస్ఐ సాయి రెడ్డి తెలిపారు. సంఘటన స్థలంలో మృతుని వద్ద నిజామాబాద్ గవర్నమెంట్ హాస్పిటల్ లో ఔట్ పేషెంట్ గా నమోదు చేయించుకున్న ఓపీ ఫారం ఉన్నట్లు ఆయన తెలిపారు. మోస్రా గ్రామమని రాసి ఉన్నట్లు పేర్కొన్నారు. ఈ వ్యక్తిని ఎవరైనా గుర్తు పడితే వెంటనే 8712658591 ఫోన్ నెంబర్ కు కాల్ చేసి సమాచారం ఇవ్వాలని రైల్వే ఎస్ఐ సాయి రెడ్డి కోరారు.