వ్యవసాయ కూలీల వాహనం బోల్తా.. ముగ్గురి పరిస్థితి విషమం

దిశ,కొత్తకోట: మంగళవారం ఉదయం కొత్తకోట మండలం, బూత్కూరు గ్రామానికిచెందిన వ్యవసాయ(పత్తి)కూలీలు మహబుబ్ నగర్ జిల్లా,ఎంకంపల్లి గ్రామానికి బయలుదేరారు.వనపర్తి జిల్లా కొత్తకోట జాతీయ రహదారి-44,పెద్దమందడి మండలం,మోజెర్ల స్టేజి సమీపంలో వ్యవసాయ కూలీలతో వెళ్తున్న బొలెరో వాహనం రోడ్డు ప్రమాదానికి గురైంది.ఏ.పి 22 టిఏ 0631 బోలేరో వాహనం టైర్ పగలడం ద్వారా ఈ ప్రమాదం జరిగి ఉంటుందని అనుమానం వ్యక్తం చేస్తున్నారు.ఈ ప్రమాదంలో బొలెరో వాహనం లో ప్రయాణిస్తున్న సుమారు 40 మంది గాయాలపాలయ్యారని తెలిపారు. క్షతగాత్రులను వనపర్తి జిల్లా ప్రభుత్వ ఆసుపత్రికి తరలించామని, గాయాల పాలైన వారిలో ముగ్గురు కొత్త కోట పట్టణానికి,మిగతా వారు భూత్కూర్ గ్రామానికి చెందిన వారిగా గుర్తించామని ఎస్సై మంజునాథ రెడ్డి తెలిపారు .