ప్రమాదవశాత్తు ఇల్లు దగ్ధం

దిశ, జగిత్యాల రూరల్ : జగిత్యాల రూరల్ మండలం పొలాస గ్రామంలో ప్రమాదవశాత్తు ఇంటికి మంటలు అంటుకొని ఇల్లు దగ్ధం అయింది. దాంతో రూ.10 లక్షల మేర ఆస్తి నష్టం వాటిల్లింది. గ్రామానికి చెందిన ఎడెల్లి గంగారం కుటుంబ సభ్యులు మల్లన్న పేటలోని మల్లికార్జున స్వామిని దర్శించుకునేందుకు వెళ్లారు. ఈ సమయంలో ఘ టన చోటు చేసుకుంది.

    ఇంట్లో దేవుడి దగ్గర పెట్టిన దీపం నుండి పక్కనే ఉన్న టవల్ కి మంటలు అంటుకుని ప్రమాదం జరిగినట్లు అనుమానాలు వ్యక్తం అవుతున్నాయి. దీపం కారణంగా ప్రమాదం జరిగిందా లేక షార్ట్ సర్క్యూట్ తో జరిగిందా తెలియాల్సి ఉంది. అయితే సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకొని మంటలను ఆర్పి వేశారు.