మహిళ మెడలో పుస్తెలతాడు అపహరణ

దిశ, నిజామాబాద్ క్రైం : మహిళ మెడలోంచి పుస్తేల తాడు తెంపుకెళ్లిన ఘటన నిజామాబాద్ నగర శివారులోని మాల్లారంలో ప్రాంతంలోని లింగేశ్వర గుట్ట వద్ద సోమవారం చోటుచేసుకుంది. వివరాల్లోకి వెళితే.. నగరంలోని కోటగల్లికి చెందిన సింగారం పూజ, ఆమె తల్లి సునీత ఇద్దరు కలిసి మల్లారం గ్రామ శివారులోని లింగేశ్వర గుట్ట ఆలయానికి మెయిన్ రోడ్డుపై నుంచి నడుచుకుంటూ వెళుతున్నారు. మార్గమధ్యలో ఓ దుండగుడు ఆరెంజ్ కలర్ బండిపై వచ్చి పూజ మెడలో ఉన్న రెండున్నర తులాల బంగారు పుస్తెల తాడును తెంచుకెళ్లాడు. ఈ మేరకు బాధితురాలు రూరల్ పోలీస్ స్టేషన్ లో ఫిర్యాదు చేయగా కేసు నమోదు చేసుకుని దర్యాప్తు చేస్తున్నట్లు ఎస్సై లింబాద్రి తెలిపారు.