మావోయిస్టుల ఘాతుకం... మందుపాతర పేలి 9 మంది మృతి

దిశ, భద్రాచలం : ఛత్తీస్గడ్ లో మావోయిస్టులు ఘతుకానికి తెగబడ్డారు. జవాన్లు ప్రయాణిస్తున్న వాహనాన్ని ఐఈడీ బాంబుతో పేల్చి వేయడంతో 9 మంది మృతి చెందారు. బీజాపూర్ జిల్లాలోని కుట్రూ ఖేద్రే రహదారిలో ఈ సంఘటన చోటు చేసుకుంది. వాహనంలో మొత్తం 15 మంది జవాన్లు ఉండగా వారిలో 9 మంది మృతి చెందారు. వీరిలో  ఎనిమిది మంది జవాన్లు, ఒక డ్రైవర్​ ఉన్నారు. మిగిలిన జవాన్లకు తీవ్ర గాయాలయ్యాయు. భద్రతా బలగాలు సంఘటనా స్థలంకు చేరుకొని గాయపడిన జవాన్లను బీజాపూర్ ఆసుపత్రికి తరలించి చికిత్స అందిస్తున్నారు. ప్రస్తుతం ఛత్తీస్గడ్ లో యుద్ధవాతావరణం నెలకొంది.