గుర్తుతెలియని వాహనం ఢీకొని తాపీ మేస్త్రి మృతి

దిశ, చివ్వేంల : గుర్తుతెలియని వాహనం ఢీకొని సుతారి తాపీ మేస్త్రి మృతి చెందిన సంఘటన కాసిం పేట గ్రామ క్రాస్ రోడ్ జాతీయ రహదారిపై బుధవారం రాత్రి చోటు చేసుకుంది. పోలీసులు తెలిపిన వివరాల ప్రకారం చివ్వెంల మండల కేంద్రానికి చెందిన కత్తుల వీరమల్లు వయసు (54 )తన సొంత పని మీద తిరుమలగిరి వచ్చి రాత్రి తిరిగి తన టీవీఎస్ ఎక్సెల్ పై వెళ్తుండగా కాసింపేట ఎక్స్ రోడ్ వద్ద గుర్తుతెలియని వాహనం ఢీకొట్టింది. తలకు ఇతర చోట్ల బలమైన గాయాలు కావడంతో రోడ్డుపై పడి ఉండగా అటుగా వస్తున్న గ్రామస్థుడు సూరారం శ్రీకాంత్ కుటుంబ సభ్యులకు ఫోన్ చేసి తెలుపగ ప్రభుత్వ ఏరియా హాస్పిటల్ తరలించారు. చికిత్స పొందుతూ మరణించాడని వైద్యులు తెలిపారు. కొడుకు మల్లేష్ ఫిర్యాదు మేరకు ఎస్సై ఆర్ కనక రత్నం, కేసు నమోదు చేశారు.