పండగపూట ఆ ఇంట్లో విషాదం..

దిశ, భీమిని : పండుగపూట ఇంట్లో నుండి బయటికి వెళ్లి బైక్ ప్రమాదానికి గురై యువకుడు మృతి చెందిన సంఘటన మంచిర్యాల జిల్లా కన్నెపల్లి మండలం రెబ్బెన గ్రామంలో బుధవారం చోటుచేసుకుంది. పోలీసులు తెలిపిన వివరాల ప్రకారం గోమాస భీమయ్య గౌతమి దంపతులకు ఐదుగురు కొడుకులు కాగా అందులో పెద్ద కుమారుడు గోమాస రఘు (18) రెబ్బెన గ్రామం ఎస్సీకాలనీకి చెందిన గోమసా రఘు ఓ కిరాణాషాపు ఓపెనింగ్ వద్దకు వెళుతున్న క్రమంలో కుస్నపల్లి ఎక్స్ రోడ్డు వద్ద కాలనీ సమీపంలో ఉండూరు ప్రసాద్ అనే వ్యక్తి బైక్ ఎదురుగా రావడంతో రెండు బైకులు ఢీకొని రఘు అక్కడికక్కడే మృతిచెందాడు. ప్రసాద్ కుడి కాలుకు తీవ్రగాయాలయ్యాయి. కాగా అతన్ని108 వాహనంలో బెల్లంపల్లి ప్రభుత్వ ఆసుపత్రికి తరలించినట్లు పోలీసులు తెలిపారు. మృతుని తండ్రి గోమాస భీమయ్య ఫిర్యాదు మేరకు కేసునమోదు చేసినట్లు కన్నెపల్లి ఏఎస్సై వెంకన్న తెలిపారు.

పండుగ పూట విషాదం..

ఉగాది పండుగపూట కన్నెపల్లి మండలం రెబ్బెన గ్రామం ఎస్సీ కాలనీలో విద్యార్థి గోమాస రఘు మృతి చెందడంతో గ్రామంలో విషాదఛాయలు అలుముకున్నాయి. ఉగాది పండగ బాధిత కుటుంబంలో విషాదాన్ని నింపడంతో కుటుంబ సభ్యుల రోదనలు మిన్నంటాయి.