అప్పుల బాధతో యువరైతు ఆత్మహత్య..

దిశ, యాలాల : వికారాబాద్ జిల్లా యాలాల మండలం బండమీదిపల్లి గ్రామంలో బొల్లే అంజిలయ్య (35) సోమవారం రాత్రి పొలంలో చెట్టుకు ఉరివేసుకొని ఆత్మహత్య చేసుకున్నాడు.ఈ రబీలో 3 ఎకరాలు వేరుశనగ పంటసాగు చేసాడు. రెండు రోజుల కిందటే పంట కోసి కళ్ళం కూడా వేశాడు.

రాత్రి భార్య పార్వతమ్మతో కలిసి పొలంలోనే ఉన్నారు. దిగుబడి రాకపోవడంతో రాత్రి 2 గంటలకు పొలంలోనే చెట్టుకు ఉరివేసుకొని ప్రాణాలు వదిలాడు. సుమారు రూ.7 లక్షల వరకు అప్పులు ఉన్నట్లు భార్య పార్వతమ్మ తెలిపారు. ఘటన స్థలానికి చేరుకున్న యాలాల ఎస్సై అరవింద్ కేసు నమోదు చేసుకుని దర్యాప్తు చేస్తున్నామని తెలిపారు.