150 గ్రాముల గంజాయి పట్టివేత

దిశ,గంభీరావుపేట : పోలీసులు 150 గ్రాముల గంజాయిని పట్టుకున్నారు. పోలీసులు తెలిపిన వివరాల ప్రకారం రాజన్న సిరిసిల్ల జిల్లా గంభీరావుపేట మండలం దమ్మన్నపేట గ్రామంలోని పెద్దమ్మ స్టేజీ వద్ద గురువారం ఎస్‌ఐ శివకుమార్ తో పాటు సిబ్బంది హైవేపై వాహనాలను తనిఖీ చేపట్టారు. ఈ సందర్భంగా బైక్‌పై వెళ్తున్న జంగిలి సందీప్, ఎండీ. రహీంను సోదా చేయడంతో 150 గ్రాముల గంజాయి ప్యాకెట్లు లభించాయి. నిందితులపై కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు.