సీపీఐ సీనియర్ నాయకుడు ధర్మయ్య మృతి

దిశ, మణుగూరు: సీపీఐ సీనియర్‌ నాయకులు రాపర్తి ధర్మయ్య (75) ఇకలేరు. గత కొన్ని రోజులుగా అనారోగ్యంతో బాధపడుతూ ఆయన బుధవారం తుదిశ్వాస విడిచారు. రాపర్తి ధర్మయ్య మృతి పట్ల బుధవారం సీపీఐ రాష్ట్రకార్యవర్గ సభ్యులు బోల్లోజు అయోధ్య, సీపీఐ ఎంఎల్ న్యూడెమోక్రసి మణుగూరు సబ్ డివిజన్ కార్యదర్శి ఆర్.మధుసూదన్ రెడ్డి, ఎం.డీ గౌస్ లు ధర్మయ్య మృతదేహానికి పూలమాలవేసి నివాళులర్పించారు. ఈసందర్భంగా నాయకులు మాట్లాడుతూ…. ధర్మయ్య నీతి, నిజాయితీ కోసం నిలబడిన గొప్ప నాయకుడని వారు పేర్కొన్నారు. ఆయన నమ్మిన సిద్ధాంతానికి కట్టుబడి ఉండి ఎన్ని ఆటుపోట్లు ఎదురైనా మొక్కవోని ధైర్యంతో తన తుదిశ్వాస విడిచే వరకు పనిచేశారని కొనియాడారు. సంతాపం తెలిపిన వారిలో సీపీఐ పట్టణ కార్యదర్శి దుర్గ్యల సుధాకర్, మండల కార్యదర్శి ఎస్.కె సర్వర్, ఎంఎల్ న్యూడెమోక్రసీ మణుగూరు సబ్ డివిజన్ నాయకులు ఎండీ. గౌస్,రామకృష్ణ,వెంకటేశ్వర్లు,అశోక్ తదితరులు ఉన్నారు.