నేడు చిత్తూరులో సీఎం జగన్ పర్యటన..

దిశ, వెబ్‌డెస్క్: ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి నేడు చిత్తూరు జిల్లాలో పర్యటించనున్నారు. శ్రీకాళహస్తి మండలం ఊరందూరులో లబ్ధిదారులకు ఇళ్ల పట్టాలు పంపిణీ చేయనున్నారు. అనంతరం గృహ నిర్మాణాలకు శంకుస్థాపన కార్యక్రమంలో ముఖ్యమంత్రి పాల్గొంటారు. తిరిగి మధ్యాహ్నం 2.50 గంటలకు తాడేపల్లి చేరుకోనున్నారు. కాగా, ఊరందూరులో వైఎస్సార్‌ జగనన్న కాలనీలో 167 ఎకరాల్లో అన్ని సౌకర్యాలతో 6,232 ప్లాట్లు వేశారు. వీటిలో తొలివిడతలో భాగంగా 5,548 ఇళ్ల నిర్మాణానికి శ్రీకారం చుట్టనున్నారు. ఈ సందర్భంగా ముఖ్యమంత్రితో పాటు ఉప ముఖ్యమంత్రి నారాయణస్వామి, మంత్రి పెద్దిరెడ్డి రామచంద్రారెడ్డి, ఎమ్మెల్యే బియ్యపు మధుసూదన్ రెడ్డి పాల్గొననున్నారు.