అకీరా-ఆద్యలతో సంక్రాతిని సెలబ్రేట్ చేసుకున్న పవర్ స్టార్.. పిక్స్ వైరల్?
మెగా అండ్ అల్లు ఫ్యామిలీ నిన్న (జనవరి 15) సంక్రాంతి పండుగను గ్రాండ్‌గా సెలబ్రేట్ చేసుకున్నారు.
దిశ, సినిమా: మెగా అండ్ అల్లు ఫ్యామిలీ నిన్న (జనవరి 15) సంక్రాంతి పండుగను గ్రాండ్‌గా సెలబ్రేట్ చేసుకున్నారు. ఫ్యామిలీ అంతా ఒక్కచోట చేరడంతో పండగ వాతావరణం నెలకొంది. మెగా సంక్రాంతి సంబరాల్లో అకీరా-ఆద్య కూడా హాజరయ్యారు. మెగాస్టార్ చిరంజీవి అభిమానులకు సంక్రాంతి శుభాకాంక్షలు తెలియజేస్తూ.. మెగా ఫ్యామిలీ ఫొటోలు పంచుకున్నారు. అందులో పవర్ స్టార్ పవన్ కల్యాణ్ తప్ప అందరున్నారు.
ప్రస్తుతం సోషల్ మీడియాలో ఏఐ ఫోటోస్ షేక్ చేస్తున్న విషయం తెలిసిందే. కాగా ఏఐ ను ఉపయోగించి మెగా ఫ్యాన్స్ తండ్రి- పిల్లల్ని ఎడిట్ చేసి ముగ్గురు కలిసి ఫొటో దిగినట్లు సృష్టించారు. పవర్ స్టార్ కుర్చీలో కూర్చున్న ఫోటోకు అకీరా, ఆద్య నిలబడి ఉన్న ఫోటోను కలిపి ఫ్యామిలీ పిక్ గా మార్చేశారు. ఇది ఫేక్ ఫొటో అయిన నెట్టింట నెటిజన్లను మాత్రం తీవ్రంగా ఆకట్టుకుంటోంది. నిజంగా అకీరా-ఆద్యలతో కలిసి పవన్ కల్యాణ్ సంక్రాంతి సెలబ్రేట్ చేసుకున్నారా? ఈ పిక్ నిజమా? ఫేక్ ఆ? అంటూ సోషల్ మీడియాలో జనాలు చర్చించుకుంటున్నారు.