Fahad Fazil: ఆ సినిమా చేసినందుకు ఇప్పటికి బాధ పడతాను.. ‘పుష్ప’ విలన్ షాకింగ్ కామెంట్స్

దిశ, సినిమా: మలయాళ స్టార్ ఫహద్ ఫాజిల్ (Fahad Fazil) గురించి ప్రత్యేకంగా చెప్పాల్సిన పని లేదు. ‘పుష్ప’ (Pushpa)లో పోలీస్ క్యారెక్టర్ (Police Character)లో కనిపించి ‘పార్టీ లేదా పుష్ప’ అనే డైలాగ్‌తో విలనిజానికే ఓ ప్రత్యేక స్టైల్‌ను పరిచయం చేసిన ఈయన.. ఇప్పుడు ‘పుష్ప-2’ (Pushpa-2) తో కూడా అలరించేందుకు సిద్ధం అవుతున్నాడు. ఇక ఒకపక్క హీరోగా.. మరోవైపు విలన్‌గా అదరగొడుతున్న ఫహద్ ఫాజిల్ తాజాగా ఓ ఇంటర్వ్యూ (Interview)లో పాల్గొని ‘మామన్నన్’ అనే సినిమాలో నటించినందుకు ఇప్పటికి బాధ పడుతున్నా అని కామెంట్స్ చేశారు.

‘‘మామన్నన్’ (Mamannan) సినిమా కథ నచ్చే పాత్ర ఒప్పుకున్నాను. కానీ సినిమా రిలీజ్ అయిన తర్వాత అసలు ఆ మూవీ ఎందుకు చేశానా అని చాలా సార్లు బాధ పడ్డాను. అందులో నేను విలన్ (villain)గా నటించగా.. కుక్కల్ని క్రూరంగా చంపుతాను. కానీ నిజానికి నాకు చిన్నప్పట్నుంచి కుక్కలంటే చాలా ఇష్టం. అందుకే ఆ సినిమాలో నన్ను నేను చూసుకుని ఏడ్చేసాను. అందుకే ఆ సినిమా ఎందుకు చేశానా అని ఫీల్ అవుతున్నాను’ అంటూ చెప్పుకొచ్చాడు. కాగా.. ఉదయనిధి స్టాలిన్, వడివేలు ప్రధాన పాత్రల్లో నటించిన ‘మామన్నన్’ మూవీలో ఫహద్ ఫాజిల్ నెగిటివ్ రోల్‌లో నటించి మెప్పించాడు. అంతే కాకుండా ఈ పాత్రకు గాను ఆయనకు పలు అవార్డులు కూడా వచ్చాయి.