చంద్రబాబుకు పుట్టినరోజు శుభాకాంక్షలు తెలిపిన మెగాస్టార్

దిశ వెబ్ డెస్క్: ఆంధ్రప్రదేశ్ మాజీ ముఖ్యమంత్రి నారా చంద్రబాబు నాయుడు ఎప్రిల్ 20న తన 70వ పుట్టిన రోజు జరుపుకుంటున్నారు. లాక్టౌన్ కారణంగా టీడీపీ శ్రేణులతో పాటు, చంద్రబాబు కూడా పుట్టిన రోజు వేడకలకు దూరంగా ఉన్నారు. ఈ నేపథ్యంలో.. సోషల్ మీడియాలో చంద్రబాబుకు పుట్టినరోజు శుభాకాంక్షలు వెల్లువెత్తుతున్నాయి. ప్రముఖులందరూ కూడా చంద్రబాబుకు విషెస్ చేస్తున్నారు. ఏపీ ముఖ్యమంత్రి వైఎస్ జగన్ కూడా ఆ జాబితాలో ఉన్నారు. మెగాస్టార్ చిరంజీవి కూడా చంద్రబాబు నాయుడుకి జన్మదిన శుభాకాంక్షలు తెలిపాడు. ముందు నుంచి కూడా చంద్రబాబుతో చిరంజీవికి మంచి సాన్నిహిత్యమే ఉంది.

టీడీపీ అధినేత, ఆంధ్రప్రదేశ్ మాజీ ముఖ్యమంత్రి చంద్రబాబు జన్మదినం (ఏప్రిల్ 20) సందర్భంగా మెగాస్టార్ చిరంజీవి చంద్ర‌బాబుకు త‌న ట్విట్ట‌ర్ ద్వారా జన్మదిన శుభాంకాంక్షలు తెలిపారు.’దశాబ్దాలుగా అహర్నిశం ప్రజా సేవలో కొనసాగుతున్న మీ సంకల్పబలం అనితరసాధ్యం. కలకాలం మీకు సంతోషాన్ని, ఆరోగ్యాన్ని ప్రసాదించమని ఆ భగవంతుడిని కోరుతున్నాను. మీకు పుట్టినరోజు శుభాకాంక్షలు సర్. మీ విజన్ , కష్టపడే మనస్తత్వం, అంకితభావం అత్యున్నతమైనవి’ అని చిరంజీవి ట్వీట్ చేశారు. ఈ ట్వీట్ తో పాటు చంద్రబాబుతో ఓ వేడుకలో కలిసి దిగిన ఫోటోను మెగాస్టార్ షేర్ చేశారు.

tags :chiranjeevi, chandrababu, birthday wishes,