వైద్యం వికటించి శిశువు మృతి

వైద్యం వికటించి మూడు రోజుల శిశువు మృతి చెందింది. ఈ విషాద ఘటన యాదాద్రి భువనగిరి జిల్లాలో చోటుచేసుకుంది. ప్రభుత్వ ఆస్పత్రిలో వసతులు సరిగ్గా లేవని.. రాహుల్-రేణుక అనే దంపతులు వారి పాపను నగరంలోని నిధి హాస్పిటల్‌కు తీసుకొచ్చారు. అయితే, అక్కడి డాక్టర్లు ఇచ్చిన మందులు వేసుకున్న ఐదు నిమిషాలకే తమ పాప చనిపోయిందని బాధిత తల్లిదండ్రులు ఆరోపిస్తున్నారు. వైద్యుల తీరును నిరసిస్తూ తల్లిదండ్రులు, బంధువులు ఆస్పత్రి ముందు ఆందోళనకు దిగారు.