చలో శ్రీహరికోట వాయిదా : సీపీఐ రామకృష్ణ

దిశ ఏపీ బ్యూరో : శ్రీహరికోట అంతరిక్ష కేంద్రంలో ప్రైవేటు పెట్టుబడులను వ్యతిరేకిస్తూ సీపీఐ పిలుపునిచ్చిన ‘చలో శ్రీహరికోట కార్యక్రమం’ వాయిదా పడింది. ఈ మేరకు సీపీఐ రాష్ట్ర కార్యదర్శి కె.రామకృష్ణ గురువారం ఓ ప్రకటన విడుదల చేశారు. నెల్లూరు జిల్లా సూళ్లూరుపేటలో కరోనా తీవ్రత దృష్ట్యా కార్యక్రమం వాయిదా వేస్తున్నట్లు రామకృష్ణ వెల్లడించారు. ఈ కార్యక్రమం తిరిగి ఎప్పుడు నిర్వహించేది త్వరలోనే చెబుతామన్నారు.