రేణుక ఎల్లమ్మ గుడిలో నగదు, పుస్తెలు చోరీ..

దిశ, మానకొండూరు : ఉమ్మడి కరీంనగర్ జిల్లా మానకొండూరులో దొంగలు బీభత్సం సృష్టించారు. సోమవారం అర్దరాత్రి మానకొండూరు మండలం అన్నారం గ్రామ శివారులోని రేణుక ఎల్లమ్మ తల్లి గుడిలో తలుపులు పగలగొట్టి అమ్మవారి మెడలో ఉన్న 1/2 తులం బంగారు పుస్తెలు, హుండీలోని కొంత నగదును ఎత్తుకెళ్లారు.

ఆ తర్వాత లలితాపూర్ గ్రామ శివారులోని వెల్మారెడ్డి వెంకట నరసింహారెడ్డి ఇంటి తలుపులు పగలగొట్టి బీరువాలో దాచిన 13 తులాల వెండి వస్తువులను కూడా అపహరించారు. సమాచారం అందుకున్న పోలీసులు కేసు నమోదు చేసుకుని, క్లూస్ టీం ద్వారా ఆధారాలను సేకరించే పనిలో నిమగ్నమైనట్లు తెలుస్తోంది.