రూ. 1899 తో విమాన ప్రయాణం.. విస్తారా ఎయిర్‌లైన్స్ ప్రత్యేక ఆఫర్
టాటా గ్రూప్ ఆధ్వర్యంలోని విస్తారా ఎయిర్‌లైన్స్ తన ఎనిమిదవ వార్షికోత్సవం సందర్బంగా ప్రత్యేక సేల్‌ను తీసుకొచ్చింది.
దిశ, వెబ్‌డెస్క్: టాటా గ్రూప్ ఆధ్వర్యంలోని విస్తారా ఎయిర్‌లైన్స్ తన ఎనిమిదవ వార్షికోత్సవం సందర్బంగా ప్రత్యేక సేల్‌ను తీసుకొచ్చింది. దేశీయ, అంతర్జాతీయ ప్రయాణాలు చేసే వారికి ప్రత్యేక ఛార్జీలను అందిస్తోంది. ఎయిర్‌లైన్స్ 8 సంవత్సరాలు పూర్తిచేసుకున్నందున ఈ ఆఫర్‌ను ఇస్తున్నట్లు విస్తారా ఎయిర్‌లైన్ ఒక ట్వీట్‌లో పేర్కొంది. దేశీయ ప్రయాణాలు రూ. 1899. అంతర్జాతీయ ప్రయాణాలు రూ. 13,299 ధరలో ప్రారంభమవుతాయి.
* దేశీయంగా, ఎకానమీ క్లాస్‌కు రూ. 1899, ప్రీమియం ఎకానమీకి రూ. 2699, బిజినెస్ క్లాస్‌కు రూ. 6999. ఈ ఛార్జీలు ఒక వైపు మాత్రమే.
* అంతర్జాతీయంగా ఢిల్లీ-ఖాట్మండూ టికెట్ ఎకానమీ తరగతి రూ.13,299. ప్రీమియం ఎకానమీలో రూ. 16,799. బిజినెస్ తరగతిలో రూ. 43,699.
* అదనంగా ఎంపిక చేసిన సీట్లు, అదనపు బ్యాగేజీ కొనుగోలుపై ఫ్లాట్ 23 శాతం తగ్గింపును కూడా అందిస్తోంది.
ఈ విస్తారా వార్షికోత్సవ సేల్ బుకింగ్స్ జనవరి 12 రాత్రి 11.59 నిమిషాల నుంచి ప్రారంభమవుతాయి. జనవరి 23 నుంచి సెప్టెంబర్ 30, 2023 మధ్య కాలంలో ప్రయాణించవచ్చు. ఈ ఆఫర్ గురించిన పూర్తి వివరాలు, బుకింగ్ ప్రాసెస్.. విస్తారా ఎయిర్‌లైన్స్ అధికారిక వెబ్సైట్ www.airvistara.com ద్వారా తెలుసుకోవచ్చు.
ఇవి కూడా చదవండి : Elon Musk గిన్నిస్ రికార్డ్ : సంపాదలోనే కాదు.. కోల్పోవడంలోనూ రికార్డే
చెన్నైలో ఇండియా మొట్టమొదటి డయాబెటిక్‌ ఇనిస్టిట్యూట్‌ ప్రారంభం