Stock Market: దళాల్ స్ట్రీట్ లో బుల్ పరుగు.. భారీ లాభాల్లో ముగిసిన దేశీయ స్టాక్ మార్కెట్ సూచీలు

దిశ, వెబ్ డెస్క్ : Stock Market: మంగళవారం మార్కెట్ బలమైన ఊపుతో ట్రేడింగ్ ప్రారంభించింది. సోమవారం కూడా స్టాక్ మార్కెట్ రికవరీతో ముగిసింది. నిన్న బిఎస్‌ఇ సెన్సెక్స్ 341.04 పాయింట్ల లాభంతో 74,169.95 పాయింట్ల వద్ద, నిఫ్టీ 111.55 పాయింట్ల లాభంతో 22,508.75 పాయింట్ల వద్ద ముగిశాయి.

మంగళవారం దేశీయస్టాక్ మార్కెట్ సూచీలు భారీ లాభాల్లో ముగిశాయి. అంతర్జాతీయ మార్కెట్ల నుంచి సానుకూల సంకేతాలకు తోడు దేశయంగా ఫైనాన్షియల్, మెటల్ స్టాక్స్ లో కొనుగోళ్ల మద్దతు మార్కెట్లకు బాగా కలిసి వచ్చింది. దీంతో వరుసగా రెండోరోజు కూడా మార్కెట్ సూచీలు లాభాల్లో ఉన్నాయి. సెన్సెక్స్ ఇంట్రాడేలో 1200 పాయింట్ల మేర లాభపడింది. నిఫ్టీ 22,800 ఎగువన ముగిసింది. అన్ని రంగాల షేర్లు లాభాల్లోనే ముగిశాయి. మదుపర్ల సంపదగా భావించే బీఎస్ లో నమోదిత కంపెనీల మొత్తం విలువ ఒక్క సెషన్ లోనే రూ. 6.85లక్షల కోట్లు పెరిగి రూ. 400.03 లక్షల కోట్లకు చేరుకుంది.

మంగళవారం, 30 సెన్సెక్స్ కంపెనీలలో 26 షేర్లు లాభంతో ముగిశాయి. మిగిలిన 4 కంపెనీల షేర్లు నష్టాలతో ముగిశాయి. మరోవైపు, నిఫ్టీ 50లోని 50 కంపెనీలలో, 47 కంపెనీల షేర్లు పెరుగుదలతో గ్రీన్ మార్కులో ముగిశాయి. మిగిలిన 3 కంపెనీల షేర్లు నష్టంతో రెడ్ మార్కులో ముగిశాయి. నేడు, సెన్సెక్స్ కంపెనీలలో, జొమాటో షేర్లు అత్యధికంగా 7.43 శాతం లాభంతో ముగియగా, బజాజ్ ఫిన్‌సర్వ్ షేర్లు అత్యధికంగా 1.33 శాతం క్షీణతతో ముగిశాయి.

సెన్సెక్స్ కంపెనీలలో ఐసిఐసిఐ బ్యాంక్ షేర్లు 3.40 శాతం, మహీంద్రా అండ్ మహీంద్రా షేర్లు 3.07 శాతం, టాటా మోటార్స్ 2.74 శాతం, లార్సెన్ అండ్ టూబ్రో 2.71 శాతం, సన్ ఫార్మా 2.46 శాతం, ఏషియన్ పెయింట్స్ 2.40 శాతం, టైటాన్ 2.23 శాతం, కోటక్ మహీంద్రా బ్యాంక్ 2.21 శాతం, స్టేట్ బ్యాంక్ ఆఫ్ ఇండియా 2.05 శాతం, టాటా స్టీల్ 1.91 శాతం, ఎన్‌టిపిసి 1.90 శాతం, అదానీ పోర్ట్స్ 1.75 శాతం, హెచ్‌డిఎఫ్‌సి బ్యాంక్ 1.57 శాతం, అల్ట్రాటెక్ సిమెంట్ 1.54 శాతం, హిందుస్తాన్ యూనిలీవర్ 1.52 శాతం, టిసిఎస్ 1.38 శాతం, నెస్లే ఇండియా 1.38 శాతం, బజాజ్ ఫైనాన్స్ 1.34 శాతం, మారుతి సుజుకి 1.22 శాతం, పవర్ గ్రిడ్ 1.20 శాతం, ఇన్ఫోసిస్ 1.10 శాతం, యాక్సిస్ బ్యాంక్ 1.02 శాతం లాభపడ్డాయి. మరోవైపు, టెక్ మహీంద్రా షేర్లు 0.45 శాతం, భారతీ ఎయిర్‌టెల్ 0.31 శాతం, రిలయన్స్ ఇండస్ట్రీస్ 0.03 శాతం తగ్గాయి.