రైలు ప్రయాణికుల కోసం కొత్త క్రెడిట్ కార్డు.. బుకింగ్‌‌లపై భారీ తగ్గింపులు, డిస్కౌంట్లు

దిశ, వెబ్‌డెస్క్: ఎక్కువగా రైలు ప్రయాణాలు చేసేవారి కోసం ఇండియన్ రైల్వే క్యాటరింగ్ అండ్ టూరిజం కార్పొరేషన్ లిమిటెడ్ (IRCTC), HDFC బ్యాంక్ రెండు కలిపి కొత్తగా ఒక క్రెడిట్ కార్డును తీసుకొచ్చాయి. ఇది రెండు సంస్థల కో-బ్రాండెడ్ ట్రావెల్ క్రెడిట్ కార్డ్‌. రూపే నెట్‌వర్క్‌ ఆధారంగా పనిచేస్తుంది. IRCTC వెబ్‌సైట్, యాప్‌లో రైలు టిక్కెట్ల బుకింగ్‌లను ఈ కార్డు ద్వారా కొనుగోలు చేస్తే, టిక్కెట్ చార్జీలపై డిస్కౌంట్లు లభిస్తాయి. ఈ కార్డును తీసుకోవాలనుకునే వారు IRCTC వెబ్‌సైట్ లేదా HDFC బ్యాంక్ బ్రాంచ్/వెబ్‌సైట్ ద్వారా పొందవచ్చు.

IRCTC- HDFC బ్యాంక్ క్రెడిట్ కార్డు ప్రయోజనాలు

* వెల్‌కమ్ ఆఫర్ కింద రూ. 500 అమెజాన్ వోచర్.

* IRCTC వెబ్‌సైట్/యాప్‌లో టిక్కెట్ బుకింగ్‌లపై ప్రతి రూ.100కి 5 రివార్డ్ పాయింట్స్.

* Smart Buy ద్వారా బుకింగ్‌పై 5% క్యాష్‌బ్యాక్.

* సంవత్సరానికి 8 కాంప్లిమెంటరీ IRCTC రైల్వే లాంజ్ యాక్సెస్.

* AC టికెట్ బుకింగ్‌పై అదనంగా రివార్డ్ పాయింట్స్.

* కార్డ్ జారీ చేసిన 30 రోజులలోపు కార్డ్ యాక్టివేషన్‌పై రూ. 500 వెల్‌కమ్ గిఫ్ట్ వోచర్.

* కార్డు జారీ అయిన 90 రోజుల్లోపు రూ. 30,000 ఖర్చు చేస్తే రూ. 500 విలువైన గిఫ్ట్ వోచర్.

* ప్రతి రూ.100 ల కొనుగోలుపై 1 రివార్డ్ పాయింట్( గమనిక: ఫ్యూయల్, వాలెట్ రీలోడ్ లావాదేవీలు, అద్దె చెల్లింపులు, ప్రభుత్వ సంబంధిత లావాదేవీలకు ఇది వర్తించదు)

* IRCTC వెబ్‌సైట్, యాప్‌లో లావాదేవీ ఛార్జీలపై 1 శాతం మినహాయింపు.