2025 కల్లా ఐదు ట్రిలియన్ డాలర్లకు భారత్: కేంద్ర మంత్రి
మనం 2028 నాటికి మనం 5 ట్రిలియన్ డాలర్ల ఆర్థిక వ్యవస్థగా మారతామని వింటున్నాను. అప్పటివరకు వేచి ఉండాల్సిన అవసరం లేదు.
దిశ, బిజినెస్ బ్యూరో: భారత ఆర్థికవ్యవస్థ 2024-25 ముగిసే నాటికి 5 ట్రిలియన్ డాలర్ల మార్కును చేరుకుంటుందని కేంద్ర పెట్రోలియం శాఖ మంత్రి హర్‌దీప్ పూరి అన్నారు. అలాగే, ఈ దశాబ్దం చివరి నాటికి 10 ట్రిలియన్ డాలర్లతో రెట్టింపు వృద్ధిని సాధించగలదని ఆయన ఆశాభావం వ్యక్తం చేశారు. ప్రస్తుతం భారత్ 3.7 ట్రిలియన్ డాలర్ల ఆర్థికవ్యవస్థగా ఉంది. మంగళవారం ఓ కార్యక్రమంలో మాట్లాడిన కేంద్ర మంత్రి, 'గత కొద్ది రోజులుగా మనం 2028 నాటికి 5 ట్రిలియన్ డాలర్ల ఆర్థిక వ్యవస్థగా మారతామని వింటున్నాను. అప్పటివరకు వేచి ఉండాల్సిన అవసరం లేదు. రాముడు మనల్ని ఆశీర్వదిస్తున్నాడు. మరో 1-2 ఏళ్లలో నాలుగో అతిపెద్ద ఆర్థికవ్యవస్థగానే కాకుండా మరింత మెరుగైన వృద్ధిని చూడగలమని' హర్‌దీప్ పూరి తెలిపారు. డిజిటల్ ఇన్‌ఫ్రాస్ట్రక్చర్, ఆటోమొబైల్ మార్కెట్, ఎనర్జీ లేదా బయో ఫ్యూయెల్ రంగాల్లో భారత్ ప్రపంచ శక్తిగా ఎదగనుందని ఆయన వెల్లడించారు.