చెడు పనులకు నిలువెత్తు రూపం జగన్: బుద్ధా వెంకన్న

దిశ ఏపీ బ్యూరో: టీడీపీ అధినేత చంద్రబాబు నాయుడుపై వైఎస్సార్సీపీ ఎంపీ విజయసాయిరెడ్డి చేసిన ట్వీట్‌కు టీడీపీ నేత బుద్దా వెంకన్న రీకౌంకర్ ఇచ్చారు. వరుస ట్వీట్లలో ఏపీ సీఎం జగన్‌పై విరుచుకుపడ్డారు. “గలీజు పనులకు నిలువెత్తు రూపం జగన్ అని విమర్శించారు. గోతులు తవ్వడం, చీకటి వ్యవహారాలు, మానిప్యులేషన్లకు బ్రాండ్ అంబాసడర్ జగన్ రెడ్డి అంటూ సీబీఐ బల్లగుద్ది మరీ చార్జ్‌షీట్ వదిలిందన్నారు. వ్యవస్థలను మేనేజ్ చేసి అధికారులను జైలుకు పంపడం జగన్ రెడ్డి నైజం” అని చెప్పుకొచ్చారు.

మరో ట్వీట్‌లో “శివకుమార్ అనే వ్యక్తి స్థాపించిన పార్టీని కబ్జా చేశారని ఆరోపించారు. తండ్రిని ముఖ్యమంత్రిని చేసి, మిమ్మల్ని కుబేరులను చేసిన సోనియాగాంధీని, కాంగ్రెస్ పార్టీని మోసం చేసి, మోసగాడిగా మిగిలిపోయారన్నారు. అధికారం శాశ్వతం అనుకుంటున్న మీకు త్వరలోనే మబ్బులు విడిపోవడం ఖాయం” అంటూ వ్యాఖ్యలు చేశారు.