ప్రధాని మోడీ నాయకత్వంపై ఈటల రాజేందర్ కీలక వ్యాఖ్యలు

దిశ, వెబ్‌డెస్క్: మోడీ నాయకత్వంలో దేశం సుభిక్షంగా ఉందని మాజీ ఎమ్మెల్యే ఈటల రాజేందర్ అన్నారు. గురువారం చేవెళ్ల పార్లమెంట్ నియోజకవర్గ ముఖ్య కార్యకర్తల సమావేశం ఏర్పాటు చేశారు. ఈ సమావేశంలో ఈటల రాజేందర్ పాల్గొని మాట్లాడారు. కాంగ్రెస్ హయాంలో ఏటు నుంచి ఏ దేశం ఎప్పుడు దాడి చేస్తుందో అనే భయాందళోనలో మన దేశ ఉండేదని గుర్తుచేశారు. కానీ, ఇప్పుడు ఇతర దేశాలే మన దేశ సాయం తీసుకునే స్థాయికి వచ్చామని తెలిపారు. దీనికి కారణం ప్రధాని నరేంద్ర మోడీ నాయకత్వమే అని ఈటల రాజేందర్ చెప్పారు. మోడీ నాయకత్వంలో దేశం సుభిక్షంగా, సురక్షితంగా ఉంటుందని అభిప్రాయపడ్డారు. ఈ సమావేశంలో మాజీ ఎంపీ కొండా విశ్వేశర్ రెడ్డి, పలువురు బీజేపీ కార్యకర్తలు పాల్గొన్నారు.