షాకింగ్: స్టార్ హీరో సీక్రెట్ ఎంగేజ్ మెంట్.. కన్ఫర్మ్ చేసిన మరో హీరోయిన్

దిశ, సినిమా : బాలీవుడ్ స్టార్స్ విక్కీ కౌశల్, కత్రినా కైఫ్‌ ఎంగేజ్‌మెంట్ అయిందన్న రూమర్స్ వైరల్‌గా మారిన సంగతి తెలిసిందే. ఈ జంట డిసెంబర్‌లో పెళ్లి పీటలు ఎక్కబోతున్నారనే న్యూస్ కూడా బీటౌన్‌లో వినిపిస్తుండగా.. తాజాగా మరో జంట వార్తల్లో నిలవడం విశేషం. బాలీవుడ్ హీరో విద్యుత్ జమాల్.. తన రూమర్డ్ గర్ల్‌ఫ్రెండ్, ఫ్యాషన్ డిజైనర్ నందిత మహతానితో కలిసి రీసెంట్‌గా తాజ్‌మహల్ ను సందర్శించాడు. ఈ అద్భుత కట్టడం ముందు చేతులు పట్టుకుని నిలబడి కెమెరాకు పోజిచ్చిన ఈ జంట ఫొటోలు ఆన్‌లైన్‌లో షేర్ అవుతుండగా.. కొందరు ఫ్యాన్స్ మాత్రం వీరికి ఎంగేజ్‌మెంట్ అయిపోయిందని నమ్ముతున్నారు. ఈ పిక్చర్‌లో నందిత వేలికి డైమండ్ రింగ్ కనిపించడం వారి వాదనకు బలం చేకూరుస్తోంది. దీంతో వాళ్లిద్దరూ ప్రేమకు చిహ్నమైన తాజ్‌మహల్ ముందు రింగ్స్ మార్చుకున్నారా? అని ప్రశ్నిస్తున్నారు. ఇది నిజమేనా? అంటూనే మరికొందరు కంగ్రాచ్యులేషన్స్ చెబుతున్నారు.

ఇదే క్రమంలో నందిత, విద్యుత్ జమాల్ ఫొటోలను ఇన్‌స్టా స్టోరీలో షేర్ చేసిన నటి నేహా ధూపియా.. ‘బెస్ట్ న్యూస్ ఫర్ ఎవర్’ అంటూ వారిద్దరికీ కంగ్రాచ్యులేషన్స్ తెలిపింది. కాగా విద్యుత్, నందిత మధ్య ఏడాది నుంచి డేటింగ్ రూమర్స్ వినిపిస్తున్నాయి. ప్రస్తుతానికి విద్యుత్ ‘ఖుదా హఫీజ్ 2’ షూటింగ్‌తో బిజీగా ఉన్నాడు.