షన్నుని అక్కడ చూడాలనుకుంటా.. ఆడియన్స్‌కి సిరి షాకింగ్ రిప్లై..

దిశ, వెబ్‌డెస్క్: తెలుగు బుల్లితెర ప్రేక్షకుల్ని ఎంతగానో అలరిస్తున్న షోలలో ‘బిగ్ బాస్’ ఒకటి. ఈ షో ప్రస్తుతం ఐదో సీజన్ జరుపుకుంటోంది. ఈ సీజన్ కూడా అన్ని సీజన్స్‌లానే మొదట చాలా జాలీగా స్టార్ట్ అయినా చివరికి గొడవలు, కాంట్రవర్సీలతో ఉత్కంఠగా మారింది. దానికి తోడుగా బిగ్ బాస్‌ కూడా అదే తరహాలో టాస్క్‌లు ఇస్తుంటాడు.

అయితే శుక్రవారం ఎపిసోడ్‌లో బిగ్ బాస్ హౌస్ మెంబర్స్‌కు కొత్త టాస్క్ ఇచ్చాడు. ప్రేక్షకులు అడిగిన ప్రశ్నలకు సరైన సమాధానం ఇచ్చి ఓటు అడగాలని బిగ్ బాస్ తెలిపాడు. ఈ క్రమంలో సిరి తనను ప్రేక్షకులు అడిగిన ప్రశ్నలకు దిమ్మతిరిగే సమాధానం ఇచ్చింది. ‘సిరి.. నువ్వు స్ట్రాంగ్ ప్లేయర్‌వి. కానీ షణ్ముఖ్ నిన్ను కంట్రోల్ చేస్తుంటే ఎందుకు కామ్‌గా ఉంటున్నావ్’ అని ప్రేక్షకులు అడిగారు.

అందుకు సమాధానం ఇచ్చిన సిరి.. ‘నేను స్ట్రాంగ్ ప్లేయర్‌నే. కానీ కొన్ని సందర్భాల్లో షన్ను నాకు సపోర్ట్‌గా ఉన్నాడు. అందుకనే నేను షన్నుని నమ్ముతాను. నేను ఒక్కసారి నమ్మితే ప్రాణం ఇవ్వడానికి కూడా ఆలోచించను. అంతేకాకుండా షన్నుకి మంచి ఫ్రెండ్‌గా వాడిని టాప్‌లో చూడాలనుకుంటాను’ అని సిరి చెప్పుకొచ్చింది.