దుర్గగుడి ఆలయంలో ఎవరైనా తప్పు చేస్తే..

దిశ, వెబ్‌డెస్క్: విజయవాడ దుర్గగుడి ఆలయ ఈవోగా భ్రమరాంబ గురువారం బాధ్యతలు స్వీకరించారు. ఈ సందర్భంగా భ్రమరాంబకు సురేశ్ బాబు బాధ్యతలు అప్పగించారు. అనంతరం ఆమె మీడియాతో మాట్లాడుతూ.. దుర్గమ్మ ఆలయానికి ఈవోగా రావడం అదృష్టంగా భావిస్తున్నా అని తెలిపారు. ఇందకీలాద్రిపై వివాదాలకు ఫుల్‌స్టాప్ పెట్టే విధంగా కృషి చేస్తానని అన్నారు. భక్తులకు మెరుగైన సౌకర్యాలు కల్పించడమే లక్ష్యంగా విధులు నిర్వహిస్తానని వెల్లడించారు. ఏసీబీ, విజిలెన్స్ విచారణకు సహకరిస్తామని స్పష్టం చేశారు. ఆలయంలో ఎవరైనా తప్పు చేస్తే చట్టపరమైన చర్యలు తప్పవని హెచ్చరించారు. ఉద్యోగులందరినీ కలుపుకొని ఆలయ అభివృద్ధికి కృషి చేస్తానని తెలిపారు.