భీం ఫర్ రామరాజు.. జక్కన్న మార్క్

మల్టీ స్టారర్ అంటే ఇది…. ఒకరికోసం ఒకరు నటనలో జీవించడం అంటే ఇది…. ఒకరి యాక్టింగ్‌కు మరొకరి వాయిస్ జీవం పోయడం అంటే ఇది…. ఎస్… మీరు అనుకున్నట్లు నేను చెప్పేది… ఆర్ఆర్ఆర్ టీం నుంచి మెగా పవర్ స్టార్ రామ్ చరణ్‌కు వచ్చిన బర్త్ డే స్పెషల్ గిఫ్ట్ గురించే. అల్లూరి సీతారామ రాజు(చెర్రీ)కు కొమురం భీం(యంగ్ టైగర్ ఎన్టీఆర్ ) ఇచ్చిన బర్త్ డే గిఫ్ట్ గురించే. భీమ్ ఫర్ రామరాజుగా ఆర్ఆర్ఆర్ నుంచి చరణ్ పుట్టినరోజు కానుకగా రిలీజైన ఫస్ట్ లుక్ వీడియో అదిరిపోయింది. జక్కన్న మార్క్.. తారక్ వాయిస్… చరణ్ లుక్… మూడూ కలిపి… యూట్యూబ్ రికార్డ్స్ షేకింగ్ స్టార్ట్ అయింది.

భీమ్ ఫర్ రామరాజు వీడియోలో… నిజంగానే భీం( తారక్ ) తనదైన గిఫ్ట్ ఇచ్చాడు. తన వాయిస్‌తో చరణ్(రామరాజు) లుక్ ఇంటెన్సిటీని పెంచేశాడు. వీడియోలో తారక్ గొంతు నుంచి వచ్చిన ప్రతీ మాట రోమాలు నిక్కబొడిచేలా చేయగా…. చరణ్ లుక్ అదిరిపోయింది. నిజంగానే… ఆడు కనబడితే నిప్పు కణం నిలబడినట్టుంది… కలబడితే యేగు సుక్క యెగవడినట్టుంది… ఎదురువడితే సావుకైనా చెమట దారకడ్తది అన్నట్లే ఉన్న చరణ్ లుక్ … పాణమైనా బందూకైనా వానికి బాంచెనైతదన్న తారక్ మాటను నిజం చేసింది. ఇంటి పేరు అల్లూరి… సాకింది గోదారి.. నా అన్న మన్నెందొర… అల్లూరి సీతారామ రాజు…. అంటూ భీం రామరాజుకు అద్భుతమైన బహుమతి ఇచ్చాడు. అటు తారక్, ఇటు చరణ్ ఫ్యాన్స్‌కు పండుగ చేసుకునే వీడియోన్ షేర్ చేశాడు జక్కన్న.