నా దైవం పవన్‌కు విధేయుడిని : బండ్ల

పవర్ స్టార్ పవన్ కళ్యాణ్ ‘వకీల్ సాబ్’ ఫస్ట్ లుక్‌తో ఫ్యాన్స్ పండుగ చేసుకున్నారు. పవన్‌ను ట్విట్టర్ కింగ్‌గా నిలటెట్టారు. సోమవారం ఫస్ట్ లుక్ ఫెస్టివల్ చేసుకున్న ఫ్యాన్స్… మంగళవారం ‘వకీల్ సాబ్’ హ్యాష్ ట్యాగ్‌తో మరో ట్రెండ్ మొదలుపెట్టారు. ‘వకీల్ సాబ్’ ఫాస్టెస్ట్ అండ్ హైయ్యెస్ట్ రీట్వీటెడ్ ఫస్ట్ లుక్‌గా రికార్డ్ బ్రేక్ చేయగా… పోస్టర్ రిలీజైన గంటల్లోనే సోషల్ మీడియాలోనే కాదు ఆటోలు, బైక్‌ల మీద సైతం ‘వకీల్ సాబ్’ కనిపించాడు. మొత్తానికి సోమవారం మొత్తం పవన్ మేనియాతో నిండిపోయింది.

ఇదిలా ఉంటే పవన్ కళ్యాణ్ సినిమాకు బెస్ట్ ప్రొడ్యూసర్ ఎవరు? అన్న దానిపై ట్విట్టర్‌లో ఓ పోల్ నడిపించారు ఫ్యాన్స్. వీరిలో ఏఎం మణిరత్నం, బీవీఎస్ఎన్ ప్రసాద్, బండ్ల గణేష్, దిల్ రాజు పేర్లు ఉండగా… 65 శాతం మంది బండ్ల గణేష్‌కే ఓటేశారు. దిల్ రాజుకు 19 శాతం, ఏఎం రత్నంకు 10 శాతం, బీవీఎస్ ప్రసాద్‌కు 6 శాతం ఓట్లు వచ్చాయి. దీనిపై సంతోషం వ్యక్తం చేసిన బండ్ల గణేష్… ‘మీ అభిమానానికి కృతజ్ఞుడిని. ఎల్లవేళలా నా దైవానికి విశ్వాస పాత్రుడిని’ అంటూ ట్వీట్ చేశాడు. పవన్ బ్లాక్ బస్టర్ సినిమా గబ్బర్ సింగ్‌కు బండ్ల గణేష్ నిర్మాత కాగా… పవర్ స్టార్‌కు బిగ్ ఫ్యాన్ అయిన బండ్ల గణేష్ పొగడ్తలతో ముంచెత్తేవాడు.

Tags: Vakeel Saab, Pawan Kalyan, Bandla Ganesh