రాజమౌళి జట్టు కోచ్‌కు అవార్డ్

దిశ, నల్లగొండ: జాతీయ క్రీడా దినోత్సవం సందర్భంగా గాంధీ గ్లోబల్ ఫ్యామిలీ, గాంధీ జ్ఞాన్ ప్రతిష్టాన్ సంస్థల ఆధ్వర్యంలో నిర్వహించిన నిర్వహించిన కార్యక్రమంలో ప్రముఖ కబడ్డీ కోచ్ కె. అయ్యప్పరెడ్డికి వీర శౌర్య పరుశరాం అవార్డును అందజేశారు.

ఈ సందర్భంగా గాంధీ సంస్థల రాష్ట్ర క్రీడల కార్యదర్శి బొమ్మ పాల గిరిబాబు మాట్లాడుతూ నల్లగొండ జిల్లా అనుముల మండలం నాయుడుపాలెం గ్రామంలోని నిరుపేద కుటుంబానికి చెందిన అయ్యప్ప రెడ్డి ఎంతో పట్టుదల, క్రమశిక్షతో అంచెలంచెలుగా ఎదిగి ఈ స్థానానికి చేరుకోవడం నల్లగొండ జిల్లాకే గర్వకారణమని కొనియాడారు.

2020 మార్చి నెలలో తెలంగాణ కబడ్డీ అసోసియేషన్ రథసారధి , రాష్ట్ర ఒలింపిక్ అసోసియేషన్ ప్రధాన కార్యదర్శి జగదీష్ యాదవ్ సారథ్యంలో నిర్వహించిన తెలంగాణ ప్రో కబడ్డీ పోటీలలో సినీ డైరెక్టర్ ఎస్ఎస్ రాజమౌళి ఆధ్వర్యంలో నల్గొండ ఈగల్ కబడ్డీ జట్టుకు కోచ్ గా వ్యవహరించి విజేతగా నిలవడం విశేషమన్నారు. ఎంతో మంది అంతర్జాతీయ ప్రోకబడ్డీ క్రీడాకారులు ఈయనే శిష్యులే అని ఆయన తెలిపారు. ఈ కార్యక్రమంలో గాంధీ గ్లోబల్ ఫ్యామిలీ సంస్థల రాష్ట్ర ప్రతినిధులు మెరుగు మధు, పాముల అశోక్, ప్రదీప్ రెడ్డి, కలీముద్దీన్, గోవర్ధన్ భూలక్ష్మి, తదితరులు పాల్గొన్నారు.