‘నగరి’లో జబర్దస్త్ దోపిడీ.. మంత్రి రోజాపై షర్మిల సీరియస్ కామెంట్స్
ఏపీ మంత్రి రోజాపై కాంగ్రెస్ పార్టీ అధ్యక్షురాలు షర్మిల సంచలన వ్యాఖ్యలు చేశారు. ఆదివారం షర్మిల నగరి నియోజకవర్గంలో పర్యటించారు.
దిశ, వెబ్‌డెస్క్: ఏపీ మంత్రి రోజాపై కాంగ్రెస్ పార్టీ అధ్యక్షురాలు షర్మిల సంచలన వ్యాఖ్యలు చేశారు. ఆదివారం షర్మిల నగరి నియోజకవర్గంలో పర్యటించారు. ఈ సందర్భంగా తనపై తరచూ రోజా చేస్తున్న కామెంట్లపై షర్మిల స్పందించారు. వైఎస్ఆర్ బతికి ఉంటే కాంగ్రెస్ మీద ఉమ్మేసేవారని చెప్పిన షర్మిల.. ఇప్పుడు ఏ ముఖం పెట్టుకుని ఆ పార్టీలో చేరిందంటూ రోజా ప్రశ్నించారు. జగన్‌ను జైలుపాలు చేసిన పార్టీతో షర్మిల ఎలా చేతులు కలిపిందంటూ మండిపడ్డారు. తెలంగాణలో పోరాటం చేస్తా అని చెప్పి కాంగ్రెస్‌లో విలీనం ఎందుకు చేసిందో చెప్పాలని డిమాండ్ చేశారు.
కుదిరితే తెలంగాణాలో ప్రభుత్వం ఏర్పాటు చేసిన రేవంత్ రెడ్డి నుంచి.. ఏపీకి రావాల్సిన 6 వేల కోట్లు, ఉమ్మడి ఆంధ్రప్రదేశ్ విభజన తర్వాత ఏపీకి రావాల్సిన లక్షా 80 కోట్ల ఆస్తులు తీసుకురావాలని షర్మిలకు రోజా సవాల్ చేశారు. అయితే, తాజాగా.. ఈ కామెంట్లపై నగరి వేదికగా షర్మిల స్పందించారు. ఈ సందర్భంగా ఆమె మాట్లాడుతూ.. రోజా గతం మర్చిపోయావా? అని మండిపడ్డారు. రోజా పాలన ఎలా ఉందని నగరిలో ఎవరిని అడిగినా ‘జబర్ధస్త్‌’గా దోచుకుంటోందని అంటున్నారని చెప్పారు. రోజా సోదరులు ఇద్దరు, ఆమె భర్త కూడా మంత్రిగా ఫీలవుతున్నారని ఎద్దేవా చేశారు. ఇసుకను, మట్టిని కూడా వదలకుండా దోచుకుంటున్నారని మండిపడ్డారు.
Read More..