మార్కాపురానికి సీఎం వైఎస్ జగన్

దిశ, డైనమిక్ బ్యూరో : ముఖ్యమంత్రి వైఎస్ జగన్ ప్రకాశం జిల్లా మార్కాపురం పర్యటన ఖరారైంది. బుధవారం వైఎస్ఆర్ ఈబీసీ నేస్తం పథకం కార్యక్రమాన్ని మార్కాపురంలో ప్రారంభించనున్నారు. ఇందులో భాగంగా లబ్ధిదారుల ఖాతాలో సీఎం వైఎస్ జగన్ నేరుగా నగదు జమ చేయనున్నారు. మార్కాపురం పర్యటనలో భాగంగా బుధవారం ఉదయం 9 గంటలకు తాడేపల్లి నివాసం నుంచి బయలుదేరి 9.55 గంటలకు మార్కాపురం చేరుకుంటారు. 10.15 – 12.05 గంటలకు ఎస్‌వీకేపీ డిగ్రీ కాలేజ్‌ గ్రౌండ్స్‌లో బహిరంగ సభా వేదిక వద్ద వివిధ అభివృద్ది పనులకు శంకుస్ధాపనలు, బహిరంగ సభలో ప్రసంగం.అనంతరం ఈబీసీ నేస్తం లబ్ధిదారులకు నగదు జమచేయనున్నారు. కార్యక్రమం అనంతరం 12.40 గంటలకు అక్కడినుంచి బయలుదేరి 1.35 గంటలకు తాడేపల్లి నివాసానికి చేరుకుంటారు అని సీఎంవో ఓ ప్రకటనలో వెల్లడించింది.

Also Read..

టీడీపీతో కేసీఆర్​ పొత్తు? స్పందించని చంద్రబాబు!!