Alluri: వాగులో కొట్టుకుపోయిన ముగ్గురు గిరిజనులు

దిశ, వెబ్ డెస్క్: ఏపీలో కురిసిన వర్షాలకు వాగులు, వంకలు పొంగిపొర్లుతున్నాయి. దీంతో వరద నీరు ఉధృతంగా ప్రవహిస్తోంది. అల్లూరి జిల్లా అనంతగిరి మండలం భింపోల్ గ్రామంలో వాగు కూడా ఉధృతిగా ప్రవహిస్తోంది. అయితే ఈ వాగులో ప్రమాదవశాత్తు ముగ్గురు గిరిజనులు గల్లంతయ్యారు. వెంటనే వాగు ఉధృతిలో కొట్టుకుపోయారు. స్థానికులు చేసిన ప్రయత్నం ఫలించలేదు. గల్లంతైన వారు కుమార్, కమల, లక్ష్మిగా గుర్తించారు. విషయం తెలుసుకున్న అధికారులు వాగులో గల్లంతైన వారి కోసం గాలింపు చేపట్టారు. మరోవైపు గల్లంతైన వారి తల్లిదండ్రులు వాగు వద్దకు చేరుకుని లబోదిబోమంటున్నారు. తమ పిల్లలను సురక్షితంగా బయటకు తీసుకురావాలని కోరుకుంటున్నారు. అయితే ప్రమాదంపై పూర్తి వివరాలు తెలియాల్సి ఉంది.