విషాదం.. వాగులో కొట్టుకుపోయిన ముగ్గురిలో ఒకరి మృతదేహం లభ్యం

దిశ, వెబ్ డెస్క్: అల్లూరి సీతారామరాజు జిల్లా అనంతగిరి మండలం భింపోల్‌ వద్ద వాగు దాటుతుండగా ముగ్గురు గిరిజనులు బుధవారం గల్లంతయ్యారు. వెంటనే వాగు నీటిలో కొట్టుకుపోవడంతో గాలించారు. గురువారం ఒకరి మృతదేహం కాశీ పట్టణం సమీపంలో లభ్యమైంది.. మరో ఇద్దరి కోసం గాలిస్తున్నారు. కాగా భీంపోలు పంచాయతీ సీతపాడు గ్రామానికి చెందిన కమల, లక్ష్మీ, కుమార్‌లు ఉధృతంగా ప్రవహిస్తున్న వాగు దాటే ప్రయత్నం చేశారు. అయితే వాగు నీటిలో ఒక్కసారిగా కొట్టుకుపోయారు. స్థానికుల సమాచారం మేరకు గజ ఈతగాళ్లు వాగులో గాలించారు. గురువారం కుమార్ మృతదేహం లభ్యమైంది. మరో ఇద్దరు కమల, లక్ష్మీ కోసం గాలిస్తున్నారు.