రుషికొండని మింగిన అనకొండ జగన్

దిశ ప్రతినిధి, విశాఖపట్నం: రుషికొండను మింగిన అనకొండ జగన్ అని టీడీపీ జాతీయ ప్రధాన కార్యదర్శి లోకేష్ విమర్శించారు. శనివారం రాత్రి రుషికొండ వద్ద సెల్ఫీ దిగారు. విశాఖపట్నానికి తీర ప్రాంతం నుంచి రక్షణ గోడలా నిలిచిన రుషికొండను జగన్ అనే అవినీతి అనకొండ మింగేసిందని ఆయన సెటైర్లు వేశారు. 9 నగరాల్లో 9 ప్యాలెస్‌లు ఉన్న పెత్తందారుడు జగన్ అని విమర్శించారు. ‘ప్రజాధనం రూ. 500 కోట్లతో రుషికొండకు గుండు కొట్టి కట్టిన మరో ప్యాలెస్ చూడండి. అవినీతి అనకొండా!, నువ్వు మింగిన కొండలు, వేల కోట్లు కక్కిస్తాం.’ అని నారా లోకేష్ పేర్కొంటూ సోషల్ మీడియాలో పోస్ట్ చేశారు.