ఈసారి సత్తా చాటుదాం.. జనసేన కార్యకర్తలకు కొణతాల పిలుపు

దిశ, విశాఖపట్నం ప్రతినిధి: రానున్న ఎన్నికల్లో ఉరకలెత్తే ఉత్సాహంతో పని చేసి జనసేన సత్తా చాటాలని మాజీ మంత్రి, జనసేన నేత కొణతల రామకృష్ణ పిలుపు నిచ్చారు. విశాఖ దసపల్లా హోటల్లో జనసేన నేతల ఆత్మీయ సమావేశం జరిగింది. ఉమ్మడి విశాఖపట్నం జిల్లాలోని 15 నియోజకవర్గాల జనసేన ఇంచార్జిలు, కార్పొరేటర్లు, నేతలు ఈ సమావేశంలో పాల్గొన్నారు. ఈ సందర్భంగా కొణతల మాట్లాడుతూ ఉత్తరాంధ్రను దత్తత తీసుకోవాలని పవన్ కళ్యాణ్‌ను కోరానని చెప్పారు. వెనుకబడిన ఉత్తరాంధ్ర అభివృద్ధికి జనసేన కట్టుబడి ఉందన్నారు. నియోజకవర్గాల వారీగా జనసైనికులతో త్వరలో సమావేశాలు నిర్వహిస్తామని కొణతాల తెలిపారు