నాగబాబు ఆగ్రహం.. వాళ్ల చెంపలు చెళ్లుమనిపించాలని పిలుపు

దిశ, వెబ్ డెస్క్: ఓట్లు అడగానికి వచ్చే వైసీపీ నాయకుల చెంపలు చెళ్లుమనిపించాలని జనసేన పార్టీ ప్రధాన కార్యదర్శి నాగబాబు అన్నారు. అనకాపల్లిలో పర్యటించిన ఆయన.. మంత్రి అమర్‌నాథ్‌పై ఆగ్రహం వ్యక్తం చేశారు. గంజాయి రవాణాలో మంత్రి ప్రమేయం ఉందని ఆరోపించారు. ఆ మంత్రి పేరు తలుచుకుంటేనే నోరు సైతం అపవిత్రం అవుతుందని ఎద్దేవా చేశారు. ఎక్కడ గంజాయి దొరికినా విశాఖ ఏజెన్సీ పేరు చెప్పడం బాధాకరమని విమర్శించారు. ఈసారి ఎన్నికల్లో వైసీపీకి ఓటు వేయొద్దన్నారు. ఓటు అడగడానికి వచ్చిన వైసీపీ నాయకులను అడ్డుకోవాలని.. తమ ప్రాంతానికి ఏం చేశారో చెప్పేదాక నిలదీయాలని నాగబాబు పిలుపునిచ్చారు. భూ కబ్జాలకు పాల్పడిన వైసీపీ నాయకులను టీడీపీ-జనసేన అధికారంలోకి వచ్చిన తర్వాత చెవులు మెలేసి జైలుకు పంపుతామని నాగబాబు హెచ్చరించారు. సీఎం జగన్ ఓ సైకో అని.. ఓట్ల కోసం ప్రజలను కులాలవారీగా విడదీస్తున్నారని ఆగ్రహం వ్యక్తం చేశారు. పిల్లలు, యువత భవష్యత్ దృష్ట్యా ప్రజలు ఆలోచించి ఓటు వేయాలని నాగబాబు పిలుపునిచ్చారు.